भारतले अफगानिस्तानलाई सहजै पराजित गर्दै शानदार जित हासिल गर्यो
ICC टी-२० विश्वकप २०२४ अन्तर्गत सुपर एट चरणको आफ्नो पहिलो खेलमा भारतले अफगानिस्तान विरुद्ध ४७ रनको फराकिलो जित हासिल गरेको छ। बार्बाडोसमा सम्पन्न खेलमा भारतले उत्कृष्ट प्रदर्शन गर्दै अफगानिस्तानलाई पराजित गर्यो।
भारतले दिएको १८२ रनको लक्ष्य पछ्याउने क्रममा अफगानिस्तान अन्तिम ओभरमा अलआउट हुँदै १३० रनमै रोकियो। अफगानिस्तानका लागि अजमतुल्लाह ओमारजाईले २० बलमा सर्वाधिक २६ रन बनाए। नजिबुल्लाह जाद्रानले १९ तथा गुलबदिन नैबले १७ रन जोडे। नूर अहमदले १२ रन र रहमनुल्लाह गुर्बाजले ११ रन बनाए।
भारतका लागि अर्शदिप सिंह र जस्प्रित बुम्राहले समान ३-३ विकेट लिए। कुलदीप यादवले २ विकेट तथा अक्षर पटेल र रविन्द्र जडेजाले १-१ विकेट लिए।
टस जितेर पहिले ब्याटिङ गरेको भारतले ८ विकेट गुमाएर १८१ रन बनायो। भारतका सूर्यकुमार यादवले २८ बलमा ५ चौका र ३ छक्का सहित सर्वाधिक ५३ रन बनाए। हार्दिक पन्ड्याले ३२ रन बनाउँदा विराट कोहलीले २४ रन जोडे। ऋषभ पन्तले २० रन, अक्षर पटेलले १२ रन र शिवम दुबेले १० रन बनाए। अफगानिस्तानका फजलहक फरुकी र राशिद खानले ३-३ विकेट लिए भने नभिन उल हकले १ विकेट लिए।
भारतले आफ्नो सुपर एट चरणको दोस्रो खेलमा शनिबार बंगलादेशसँग खेल्नेछ भने अफगानिस्तानले सोही दिन अस्ट्रेलियाको सामना गर्नेछ।
खेलकुद, फुटबल, क्रिकेट, जुवा, सट्टेबाजी जस्ता रोचक विषयहरूमा थप जानकारीका लागि wewa365.com र wewabet.com मा जानुहोस्।
